Transcription
1
Monsieur, vendredi dernier passé, vingt septiesme du moys de juing,
2
moy estant en la ville de Romans pour négossier quelques affaires
3
que je y havoys pour mon petit mesnaige et en me retyrant au
4
logys du Chappeau Rouge pour monter à cheval pour me retyrer
5
en ma maison, envyron troys heures apprès médy et estant au
6
devant la boticque d’ung drappier nommé Jehan Brunat, Guillaume
7
Brunat, son fils, sortant de la boticque de son père, estant
8
accompagné de plussieurs de la religion, sortantz des aultres
9
boticques estantz au près de la sienne, portantz tous l’espée au
10
poyng, m’est venu demander si j’estoys le cappitaine Chastellard et
11
je luy respondis que ouy, alhors ledit Guillaume Brunat avec
12
plussieurs aultres de la religion me chargarent à coubz d’espée
13
de sorte que je feust bien empesché pour saulver ma vie et
14
me retyrant au juge de Romans pour me administrer justice
15
de l’agression que m’avoit esté faicte, il a faict mectre en prison
16
ce Guillaume Brunat ; et voyant que l’ong y procède assés froydement
17
à mon endroict, je vous supplie comme à mon bon segneur, auquel
18
je suys et serey tout le temps de ma vye de volloyr commander
19
qu’il soit mys hors de la cognoissance de la justice de Romans
20
et de Sainct-Marcellin pour ce que je cognoys que de mon droict
21
l’on en vouldroict faire mon tort comme vous serés du tout adverty.
22
Cependant monsieur, je suys actendant vous commandementz que je
23
actendz par ce pourteur, priant Dieu,
24
Monsieur, vous donner sa grâce et avoir la votre. De votre maison
25
de Vaulx, 1572.
26
Vostre humble et hobeyssant serviteur.
27
De Chastellard
28
Je vous prie me dyre votre advis que je doybz commander à Meyrieu d’aller
29
veoir l’agresseur attendu que ledit Chastelar est homme d’armes de
30
ma compagnie
31
Gordes
32